РУСКИ КЕРЕСТУР – Снователє Землєдїлскей задруґи „Башта и шпајз”, Павле Малацко и Славко Чапко зоз Руского Керестура, однєдавна на тарґовище пласовали продукти преробених огуркох корнишонох и червеней паприґи.
Квашени огурки и филети червеней паприґи, правени по власним рецепту, однєдавна мож найсц у керестурских дутянох, а тиж и звонка валалу у супермаркетох, по цени од 150 динари за дунчик и 360 динари за вельке пакованя у конзервох наменєне за предаванє на велько.
Випатрунок етикети поробел ґрафични дизайнер Иґор Орсаґ.