НОВИ САД – У наиходзацим периодзе плановане интензивовац сотруднїцтво Нового Саду и України, односно Львова, понеже Нови Сад и Львов ище 2005. року подписали Спорозуменє о партнерскому сотруднїцтве, сообщене после схадзки городоначалнїка Нового Саду Милоша Вучевича и амбасадора України у Сербиї Олександра Александровича.
Городоначалнїк и амбасадор ше зложели же єст можлївосци преглїбиц сотруднїцтво, окреме у обласци култури. Так порадзене же у маю 2017. року, у рамикох манифестациї „Днї України у Сербиї”, тота держава и у Новим Садзе представи културу, традицию, а на Дїловним форуме у Новим Садзе буду участвовац представителє України котри представя привредни потенциял своєй держави.
Понеже Город Нови Сад достал титулу Европска престолнїца култури 2021. року, акцент будзе и на сотруднїцтве городох з хторима дотераз витворени блїзки вязи у обласци културней черанки.
После з городоначалнїком, амбасадор Сербиї у України нащивел и РТВ Войводину, дзе з ґенералним директором РТВ др Миодраґом Копривицом бешедоване о програми на українским язику на РТВ, а на схадзки прилапена инициятива же би ше на РТВ идуцого року, под час спомнутих „Дньох України у Сербиї”, орґанизовало Мешац українского филму.