Знїманє краткометражного филму по русински

автор рсф/зам/дюл
1k Опатрене

ГАБУРА (СЛОВАЦКА) – Як пише русинФорум, у Габури, у Словацкей, тих дньох тирва знїманє краткометражного филму з назву „Шверцована роба”, у хторим ше бешедує виключно лєм по русински. Филм знїма млади студент Факултету мултимедийней комуникациї у Жлинї Иво Репчик, цо му маґистерска робота.

Режисер Репчик тераз жиє у Праги, у Ческей, алє є походзеньом з Медзилаборцох у Словацкей, дзе як дзецко препровадзовал вельо часу и, як гвари, нє забува на восточну Словацку, так же ше опредзелєл же би актере-аматере у його филму бешедовали виключно лєм по русински. Ґу тому, з филмом жада облапиц и автентичносц востоку Словацкей, дзе русински язик нєзаобиходни.

У филму слово о єдному шверцерови вшелїякей роби, за цо, як гварел режисер, подруче Габури барз вигодне пре гранїцу з Польску, а засновани є на правдивих дожицох.

Векшину секвенцох ше знїма у габурским хотаре, алє и у Калїнове на гранїци з Польску, а премиєра филму би мала буц на лєто у Габури, лєбо у Медзилаборцох.

Будзе то уж пияти краткометражни филм младого режисера Иву Репчика.

ПОВЯЗАНИ ТЕКСТИ