КУЛА – Предсидатель Општини Кула Перица Видеканїч з представительом французкей фирми „SADE CGHT” Франсоом Аланом з Паризу вчера подписал контракт о вибудови улїчней канализациї, дзе вона нєдостава, у Кули и Червинки, як и о вибудови транзитного поцискуюцого воду Червинка-Кула и провадзацих обєктох.
Вредносц роботох виноши 596 милиони 712 081 динар з ПДВ, а як гварел представитель виводзача роботох Франсоа Алан, роботи би мали почац у януаре идуцого року и буду тирвац 250 роботни днї.
З тоту капиталну инвестицию кончєно будзе ришени вельки еколоґийни проблем у Кули и кулскей општини – заґадзенє ткв. „шмердзацого Беґейцу”, беґелю хтори преходзи през Кулу.
