КОЦУР – З нагоди 125-рочнїци снованя шестрох служебнїцох Непорочней Дїви Мариї, и до Коцура сцигла икона и мощи блаженей ш. Йосафати Гордашевскей. Икона у Коцуре будзе три днї.
Икону до церкви шветочно унєсли виронаучни дзеци на Велькей Служби Божей, хтору служели парох коцурски о. Владислав Рац, о. Яков Кулич и о. Яков Новак, а ш. Михаила Воротняк бешедовала о живоце ш. Йосафати Гордашевскей.
По законченю Служби присутни могли поциловац икону и мощи и помодлїц ше, з тей нагоди, по Служби друженє предлужене у манастире шестрох служебнїцох.