ПОЛЬСКА – У Лемковскей едукативней загради у Ґладишове у Польскей од 13. по 19. юлий бул орґанизовани камп за школярох з назву „Як жили нашо предки”. Камп-табор орґанизує Здруженє Руска берза, а участвовали дзеци зоз заходней Польскей и местох з Лемковини.
На кампу, у зоз старинами ушореней Едукативней загради, дзеци спознали як ше дакеди жило на валалє – упознавали рижне желє и зарна хтори рошню на Лемковини, цали процес вирабяня лєнового платна – по лемковске олблєчиво, а робели и други роботи у єдним валалским ґаздовстве.
Указане им як дакеди кошели жито, вязали снопки, тлукли зарно, чисцели го на решету, млєли на камених млїнох, а тоти роботи спробовали и сами.
Инструкторе дакедишнїх роботох на валалє були Ваньо и Данута Дзюбиново, а язик и културу Лемкох им преподавала учителька лемковского язика Варвара Дуц.