КУЛА/РУСКИ КЕРЕСТУР – Прешлого викенду у Краґуєвцу було отримане карате змаганє, Першенство Сербиї за кадетох, юниорох и младших сениорох на котрим и члени Карате клубу Гайдук витворели значни резултати, а медзи нїма и Керестурец Ґлориян Штранґар. Гайдуковци освоєли три медалї, єдну стриберну и два бронзово.
У поєдинєчней конкуренциї стрибло освоєла младша сениорка Наталия Сератлич, а бронзу тиж младши сениор Душан Веселинович.
Екипно, бронзу освоєли и кадети у составе – Лука Ґириц, Марко Пуцар, Ґлориян Штранґар и Растко Батуран. У першим колє екипа победзела беоґрадски Карате клуб Раднички, а змаганє за финале страцели од каратистох зоз Ужица, та за бронзу надвладали Раднички зоз Обреновцу.