РУСКИ КЕРЕСТУР – Керестурскей Основней и штреднєй школи з домом школярох „Петро Кузмяк” одобрени коло 398 000 динари за купованє компютерскей опреми, на основи Конкурсу Покраїнского секретарияту за образованє, предписаня, управу и национални меншини-национални заєднїци за финансованє и софинансованє набавки опреми за установи школярского стандарду у АП Войводини за тот рок.
Як дознава Рутенпрес, Школа з одобрених средствох купи 6, лєбо 7 компютери, хтори буду хасновац школяре у интернату.
Средства одобрени домом школярох штреднїх школох, школом з домами школярох, специялним школом з домом школярох, домом школярох штреднїх школох у снованю на териториї АП Войводини, а чий снователь Република Сербия и АП Войводина.