КУЛА – Школяре керестурскей Основней школи „Петро Кузмяк” Иван Рац з пиятей и Даяна Рац зоз седмей класи завжали друге, односно треце место на Општинским змаганю з Технїчного образованя у обласци транспортней култири. Екипно, керестурска Школа була друга зоз седем основних школох у општини.
На змаганю „Цо знаш о транспорту” у трох возросних катеґорийох (од 7 до 15 роки), з керестурскей Школи змагали ше ище Лана Кнежевич, Елена Шомодї, Стефан Колошняї и Виктор Надь у наймладшей А катеґориї, у штреднєй Б катеґориї змагали ше Леонела Цифрич, Теодора Русковски и Тони Пашо, док ше у найстаршей, Ц катеґориї змагали и Соня Балїцки, Александар Гарди и Антонио Киш.
По словох їх наставнїка Зденка Шомодїя, шицки керестурски школяре змагателє були у верху, цо у барз моцней конкуренциї одлични успих, а то потвердзує и екипне друге место.
Иван Рац и Дияна Рац ше пласовали на Окружне змаганє, хторе 10. мая будзе у Апатинє.
