РУСКИ КЕРЕСТУР/НОВИ САД – Шесцеро матуранти Штреднєй школи „Петро Кузмяк” з Руского Керестура участвовали на змаганю з тему „Гуманосц на дїлу” новосадского Универзитету „Синґидунум”, хторе орґанизоване у рамикох промоциї його факултетох.
Змагали ше 15 екипи з войводянских штреднїх школох, а з керестурскей були 3 тими з по двома школярами – 2 тими з Туристичного напряму и єден з Ґимназиї, а зоз школярами бул и по єден наставнїк-ментор. Змагателє мали ришиц задаток як студию случаю и презентовац го.
Три найуспишнєйши екипи як награди достали путованя до Греческей и у Сербиї.
