КОЦУР – Вчера, на швето св. Йосафата, у Манастире шестрох Служебнїцох Непорочней Дїви Мариї у Коцуре преславени Кирбай. З нагоди Кирбаю пошвецени и нови витраж з подобу того священомученїка.
Службу Божу у манастирскей каплїци служели о. Яков Новак зоз Заґребу, о. Яков Кулич з Коцура, о. Алексий Гудак, парох у Старим Вербаше и о. Оливер Тантушев з Охриду, з Македониї, котри пред даскельо роками бул капелан у Коцуре.
О. Тантушев и наказовал, а у казанї здогаднул на значни хвильки зоз живота св. Йосафата, котри дал свой живот за єдинство церкви.
По Служби присутни парохиянє могли побочкац часц мощох священомученїка Йосафата.