Коло тристо осемдзешат активни случаї

автор с. саламун
662 Опатрене

ЖАБЕЛЬ – У остатнїх двох тижньох у општини Жабель єст просеково менєй як дзешец новозаражени тестовани особи на дзень, а коло тристо осемдзешат активни случаї зоз присутну инфекцию, виявел директор Дома здравя Жабель др Никола Якшич.

З тей нагоди поволал гражданох општини Жабель же би ше пришли вакциновац. У жабельским Дому робю два тими за вакцинованє, а граджданє ше вакциную у Спортскей гали у Жаблю котра ше находзи споза Дому здравя Жабель.

Приявиц ше мож на урядовим сайту еУправи и на число телефона 0800/222-334. Як гварел директор Якшич, нє одбиваю вакционовац анї особу котра приведла старшу або нєрухому особу, без огляду же ше нє приявела за вакцинованє.

ПОВЯЗАНИ ТЕКСТИ