Конкурс за реґионални бренд „Бачка” по 30. септембер

автор зам
875 Опатрене

НОВИ САД – Реґионална розвойна аґенция (РРА) „Бачка” з Нового Саду предлужела тирванє Конкурсу за додзельованє права на хаснованє знака бренду „Бачка” по 30. септембер того року.

Мож конкуровац за брендованє продуктох з руралних штредкох у општинох и городох хтори снователє РРА „Бачка”, а то Вербас, Кула, Жабель, Зомбор, Бач, Бачка Паланка, Бачки Петровец, Беочин, Титель, Србобран, Сримски Карловци и Оджак.

За бренд „Бачка” можу конкуровац реґистровани польопривредни ґаздовства, реґистровани поднїмателє за продукцию поживи и напою, реґистровани роботнї з обласци старих ремеслох, задруґи реґистровани и за продукцию меду, млєкових и продуктох з меса, правни особи реґистровани за продикцию меду, вина, палєнки, сира, каймаку, месних продуктох.

За бренд можу конкуровац и здруженя гражданох з валалох, як цо то здруженя женох, за еколоґию и защиту животного штредку, здруженя младих, здруженя польопривреднїкох, та ремеселнїкох. Тиж так, на конкурс ше можу приявиц и погосцительно-туристични обєкти з руралних штредкох, реґистровани валалски туристични ґаздовства и рекреативни и конґресни центри.

Вецей о условийох Конкурсу и приявйованю мож видзиц на сайту РРА – www.rda-backa.rs.

ПОВЯЗАНИ ТЕКСТИ