СЕРБИЯ – Пробни закончуюци испит за школярох осмих класох будзе 15. и 16. априла, сообщело Министерство просвити. На пияток, 15. априла, школяре буду ришовац тест з математики, а ютредзень з мацеринского язика и комбиновани тест з физики, биолоґиї, хемиї, историї и ґеоґрафиї.
Закончуюци испит за малих матурантох будзе отримани од 15. по 17. юний, а з його симулацию ше жада оценїц чи школяре порихтани за закончуюци испит и на чим з нїма ище треба робиц.
Школи хтори тераз нє годни орґанизовац пробни закончуюци испит, то муша зробиц медзи 18. и 22. априлом, сообщело Министерство просвити.