КОЦУР – Основна школа „Братство єдинство” з Коцура всоботу, 12. септембра, орґанизовала роботну акцию на збераню шмеца по побережйох беґелю Дунай-Тиса-Дунай. Акция бул добродзечна, а участвовали коло седемдзешат школяре шестих, седмих и осмих класох.
Розпоредзени до штирох ґрупох, школяре, обезпечени з ґумовима рукавицами и мехами, на побережю беґелю – од мосту ґу Савиному Селу и ґу Вербасу, позберали шмеце и такох го класификовали на ПЕТ амбалажу, конзерви и други одпад. Каждей ґрупи помагали по двойо наставнїки.
На концу, мехи зоз шмецом на єдно место одвезли члени ДВД Коцур, одкаль позбера камион хтори поряднє збера шмеце по валалє.
После роботней акциї шоляре мали орґанизовани заєднїцки полудзенок, а цалу акцию потримала Месна заєднїца Коцур, подприємство „Супермикс”, ДВД Коцур, як и Драґан Рашета и Михайло Варґа Пеле.