КУЛА – И у грекокатолїцкей парохиї св. Йосафата у Кули нєшка Крачунска Вилїя. Рано на 7,30 годзин Утриня зоз Царскима часами, на 9 Вечурня зоз Литурґию Василия Велького, а Крачунскей Вельке повечериє тє. Всеночне на 19 годзин.
Наютре Рождество христово – Крачун, на 7,30 годзин Утриня, на 8,30 нагода за Св. Споведз, а на 9 годзин Служба Божа зоз мированьом. Вечурня з литию будзе на 17 годзин. Того дня, на 10 годзин Служба будзе и у Крущичу дзе филияла кулскей парохиї.
Исти розпорядок богослуженьох у церкви у Кули будзе и на други и треци дзень Крачуна, тє. кед ше преславює Собор Богородици и Осифа заручнїка, и першомученїка Штефана.
У виронаучней сали будзе вистава Крачунских винчованкох, а того року пре познати причини нє будзе традицийни Крачунски концерт котри ше отримовал у церкви.