ВЕРБАС – На остатнєй схадзки Националного совиту (НС) Чарногорцох у Сербиї, хтора отримана пондзелок, 16. мая, векшина членох Вивершного одбору и предсидатель НС дали задзекованя на свойо функциї, преноши Бета.
З НС Чарногорцох сообщели же уж шейсц мешаци закончую схадзку хтора почала концом прешлого рока, а нє закончена є анї пондзелок. Члени Совиту уж даскельо мешаци обвинюю руководство же роби нєтранспарентно и нєнаменски троши пенєж з буджету, та о тим поинформовали Министерство за державну управу и локалну самоуправу.
Пред законским термином за прилапйованє финансийного звиту за 2015. рок, НС остал без векшини членох Вивершного одбору, предсидателя и без кворуму.