ПОЛЬСКА – За пейц роки роботи, портал з информациями по лемковски з общерусинского швета Здруженя Руска берза прероснул до медийней ґрупи ЛЕМ.фм+, так же попри на своїм сайту (www.lem.fm) и интернет-радия, та панрусинского тижньовнїка, тиж доступного и електронски, од того року радио-програму емитує и прейґ порядних (жемових) радио-габох – 103,8 MHz за иножемство и на 106,6 MHz на Лемковини.
Ґу тому, насампредз пре приблїжованє младим, котри и найчастейши нащивителє порталу и слухаче емисийох, ЛЕМ.фм од початку ма профил на Фейсбуку (www.facebook.com/lem.fm), однєдавна и на Инстраґраму (www.instagram.com/lem.fm_radio) и Твитеру (twitter.com/lemfm), та тексти и по анґлийски на свом сайту.
Як пише портал ЛЕМ.фм, пре промоцию свойого медию Редакция одлучела основац и профил першей маскоти радия ЛЕМ.фм – то маймунчок Лемус Русинко, хтори од нєдавна жиє у виртуалним швеце Фейсбуку, аж го провадза и приятелє на тей дружтвеней мрежи – pl-pl.facebook.com.
