ШИД – Локална самоуправа у Шидзе обезпечела новорочни пакецики за дзеци од народзеня, та по штварту класу основней школи.
На ютре од 10 до 11 годзин пакецики буду подзелєни у Месней заєднїци Беркасово, дзе их достаню 110-еро дзеци.
У Месней заєднїци Шид дзелєнє пакецикох будзе на вовторок, 30. децембра, од 8 до 15 годзин. За доставанє пакецику дотераз уписани коло 500 дзеци, чийо родичи у Месней заєднїци маю вжац бон.
У Бикичу пакецики буду подзелєни на вовторок на 12 годзин, а достаню го 27-еро дзеци. На вовторок пакецик достаню и 97-еро дзеци у Бачинцох, а як наявене з Месней заєднїци, пакецики буду розношени до обисцох.