НОВИ САД – Як вчера пренєсла РТВ, Лиґа социялдемократох Войводини (ЛСВ) обявела же нєт пенєжи за субвенциї польопривреднїком, а на основи податкох з одвиту Министерства польопривреди доручених на посланїцке питанє народней посланїци ЛСВ Олени Папуґа.
– З одвиту видно же найвецей пенєжи – 6,8 милиярди динари – нєдостава за виплацованє директних даваньох – шейсц тисячи динари по гектаре. Тиж так, пенєжи нєт анї за реґресованє горива, и то нєполни 896 милиони динари. Правда, у буджету останє пенєжи за реґресованє штучного гною и за плановани средства з Програми руралного розвою, алє то далєко од достаточного же би подмирело минус од 7,9 милиярди динари – наводзи ше на порталу ЛСВ, а преноши РТВ.
Папуґова початком октобра од министерки польопривреди Снежани Боґосавлєвич Бошквич вимагала информациї кельо виноши длуство парастом на основи субвенцийох