Свою любов ґу макетом Владимир Рац зоз Дюрдьова одкрил 2009. року, кед почал правиц перши макети. Потераз направел 35 макети старих и нових сучасних польопривредних машинох.
Ручно прави шицки часци за машини зоз плеху, желєза и дроту, а купує лєм ґуми. Перша макета хтору справел була макета трешки и елеватора а потим справел и макети тракторох, комбайнох, преси, прикоча и други, марки Змай, ИМТ, Волво, Ферґусон, Оливер и други. Владимир Рац гвари же инспирацию достал на дюрдьовским Фестивалу „Най ше нє забудзе”, котри ше отримує од 2002. року у орґанизациї КУД „Тарас Шевченко” и дзе Владимир од 2009. року поряднє виклада свойо роботи.
У обисцу ше з макетами бавя унучата, а на таки способ вон им найлєгчейше толкує же як ше дакеди робело на полю и у обисцу.
