Мало дзеци у руским предшколским оддзелєню

автор тах
859 Опатрене

КОЦУР – Початком септембра з наставу почали и предшколски дзеци у коцурским оддзелєню „Герлїчка” Предшколскей установи „Бошко Буха” з Вербасу, а як и у основней школи, и ту єст мало дзеци у руским оддзелєню.

У предшколским оддзелєню по руски, з хторим роби воспитачка Серафина Яґлица, у новим школским року єст седмеро дзеци, алє з нїх лєм тройо нарок пойду до школи.

Понеже дзеци у предшколских оддзелєньох у дзецинскей заградки пребуваю лєм штири годзини, даєдни родичи свойо дзеци уписали до комбинованого руско-сербского цалодньового пребуваня.

Як гварела воспитачка Серафина Яґлица, у тим комбинованим оддзелєню єст ище штверо дзеци котри нарок руша до школи, алє су ище нєопредзелєни чи наставу буду слухац на руским, чи на сербским язику.

ПОВЯЗАНИ ТЕКСТИ