Медзи активносцами НАР-у и реґионална мрежа руских медийох

автор там; фото: вев
990 Опатрене

НОВИ САД – На конститутивней схадзки Управного одбору (УО) Новинарскей асоцияциї Руснацох (НАР) у новим зволаню, хтора пияток 14. октобра отримана у Новим Садзе, за предсидателя Управного одбору єдногласно вибрани Златко Рамач з ЯМУ РТВ Войводини, а за секретара Блажена Хома Цветкович з НВУ „Руске слово”. На схадзки прилапени план витворйованя и законченя вецей актуалних проєктох.

З потримовку Националного совиту (НС) Руснацох до конца того рока будзе витворени проєкт Александри Живкович „Виглєдованє квалитету програмох приватизованих локалних електронских медийох хтори маю програму по руски”.

Єден зоз значних проєктох будзе снованє реґионалней мрежи руских редакцийох зоз Сербиї, Горватскей, Мадярскей, Польскей и Словацкей, а почнє з подписованьом протоколу о сотруднїцтве з вецей медиями до конца того рока. И тот проєкт потримує НС, а обдумали го Анамария Ранкович и Златко Рамача.

На схадзки утвердзене же виданє НАР-у – кнїжка „65 роки историї Рускей редакциї Радио Нового Саду”, будзе финализоване идуцого року, а до конца того будзе витворени проєкт Санї Маркович „Визначни Руснаци у Новим Садзе” –  10 двацецминутово радио-емисиї, як нєзависна продукция на Радио Новим Садзе.

Емисиї пририхтує тим новинарох, а на схадзки УО НАР-у гварене же би ше их, попри на рускей, емитовало и у сербскей програми. Проєкт финаносвани з буджету Городу Нови Сад.

ПОВЯЗАНИ ТЕКСТИ