БЕРАК – У Берку нєдалєко Миклошевцох, вчера, 21. децембра, отримани Треци предавацки саям „Крачун у Берки”, хтори орґанизує домашнє КУД „Зрински”, а свойо роботи викладали здруженя з Општини Томповци, медзи нїма и два миклошевски – Здруженє женох и Здруженє „Нашо дзеци”.
Миклошевчанє предавали рижни прикраски, малюнки, винчованки, вишивани партки и други виробки членох спомнутих здруженьох.
Под час Сайму у месней церкви отримана Крачунска програма, а опрез церкви бул поставени живи вертеп – з яшельками, ослом, целятком и баранчатком, цо найвецей прицаговало увагу наймладших нащивительох.