Министри Ана Брнабич и Бранислав Недимович нащивели Шид

автор зам
817 Опатрене

ШИД – Министерка державней управи и локалней самоуправи Ана Брнабич и министер польопривреди и защити животного штредку Бранислав Недимович вчера нащивели Општину Шид, дзе з предсидательом Општини Предраґом Вуковичом и його сотруднїками бешедовали о укладаньох до польопривреди и прерабяцкей индустриї хтори, як гварене, нє можлїви кед нєт сучасней локалней администрациї – пише портал Општини Шид.

Влада Сербиї прпознала здружованє домашнїх продуковательох пре наступ на иножемни тарґовища, а Министерство державней управи и локалней самоуправи зроби шицко же би ше оможлївело локални економски розвой, гварене на схадзки.

Напредованє шидскей општини у шицких обласцох ясни циль локалней самоуправи, визначели домашнї, и у тим ма абсолутну потримовку Влади Сербиї.

Нащива министрох потвердзенє же державна власц препознава потенцияли општини хтора ма добре ґеостратеґийне положенє, як и порихтаносц чолних людзох же би тоти можлївосци вихасновали, а на хасен гражданох општини Шид.

ПОВЯЗАНИ ТЕКСТИ