РУСКИ КЕРЕСТУР – Драмски аматере з Лалитю, члени Драмскей секциї „Михал Бенка Учо” при КУД „Штефанїк”, вчера у Доме култури у Руским Керестуре виведли представу по словацки Яна Грубика „Буяк паратовал”, у режиї Марини Парнїцки.
Млада шейсцчлена ґлумецка екипа пред малочислену публику одбавела комедию о фамелиї хтора жиє у истим обисце – малженска пара, мужово родичи и його син тинейджер з першого малженства, у чаше кед почина НАТО-бомбардованє.
У представи ґлумели Душан Хрнчяр, Андрея Павлис, Даниела Михаль, Денис Рибар, Дамир Брнадич, та и млада режисерка Марина Парнїцки.