АПОСТОЛСКИ ЕҐЗАРХАТ – Млади з Войводини од 28. децембра прешлого, по 1. януар того року були на европским стретнуцу младих, хторе орґанизує християнска заєднїца „Тезе”, а терашнє було у Валенсиї, у Шпаниї.
Дзеведзешацецеро паломнїки, медзи нїма и млади з Руского Керестура, Коцура, Вербасу, Сримскей Митровици, Нового Саду и Суботици, з ище коло 30 000 младих з цалей Европи участвовали на молитвох и програмох хтори орґанизовани за шицких вєдно у центре городу, як и по менших ґрупох у вецей як 150 парохийох у Валенсиї и околїску.
Млади були змесцени по фамелийох, а у своїх парохийох з молитву за мир у швеце дочекали и Нови 2016. рок. У шлєбодним чаше паломнїки обишли Валенсию, на драги до Валенсиї и Дєнову и Монако, а Барселону и Милано у врацаню дому.
Шлїдуюце Европске стретнуце младих будзе у истим чаше, у Риґи у Летониї.
