Млади сцу буц уключени до одлучованя

автор танюґ/ртв
1.4k Опатрене

НОВИ САД – Млади чежко доходза до роботи, а же би ю достали, уходза до политики, образовна система „фабрикує” кадри хтори нє постоя, цо причина же велї напущую Сербию, а младих треба уключиц до процесох одлчованя – заключеня з анкети медийох з младежскима функционерами даскелїх политичних странкох хтори дїлую у Новим Садзе.

Неманя Кнежевич зоз СДП гварел же ришенє за векшу учасц младих мож витвориц як и у случаю родней ровноправносци.

– Устав Сербиї одредзує же на каждим трецим месце на виберанкових лїстинох муши буц жена и думам же на таки способ мож реґуловац и положенє младих, так же би, наприклад, у Уставе писало же кажде шесте, лєбо даяке друге место муши придаднуц особом младшим од 30 роки – гварел Кнежевич, з чим ше зложел и Боян Мариянович зоз СНС.

Ґоран Ерор з ДС гварел же на политичней сцени у Сербиї муши присц до змени ґенерацийох, а Марко Танчик з ДСС же актуални виберанкови закон вообще нє реґулує положенє младих у политичним живоце, анї их нє мотивує за занїманє з политику и участвованє у политичних процесох.

Предсидателька младежи ЛСВ Бояна Беґович оценєла же млади цалком марґинализовани и нє уключени до процесох одлучованя.

ПОВЯЗАНИ ТЕКСТИ