Файта животинї:

Леминґ

Як мено вашим любимцом? Хто им вибрал мено?

Нашим любимцом мено Црнко и Белко. Андрей им вибрал мена, спрам їх фарбох.

Кельо маю роки?

Маю пол рока.

Як вони випатраю? Можеце их описац?

Леминґи барз здабу на миши, або герчки. Маю густу и мегку шерсц. Барз су швидки, алє цихи животинї. Шерсц им нє єднофарбова, алє маю по себе смужки.

Цо вашо любимци найволя робиц?

Найволя ше скривац у своєй хижки. Вечаром ше любя вожиц на колєску, а барз любя и єсц. Любя и ґрицкац/трушиц паперово хусточки або картон.

Зоз чим их кармице?

Леминґи любя єсц ґрисини, слунечнїку, кукурици, пуканки, ґранули, корнфлекс, шено…

Як ше ви зоз нїма бавице?

Найволїме ше припатрац на нїх и гласкац их.

Можеце нам виприповедац даяки шмишни ситуациї зоз нїма?

Барз су шмишни кед ше дзвигню на заднї два ноги и ходза назадок. А найшмишнєйши су кед им мама чисци клїтку, вец ше вони гнїваю на ню и барз пища и указую зубки.

Чи бисце препоручели и другим дзецом же би себе набавели такого любимца и прецо?

Препоручел бим, бо су цихи, добри и интересантни животинї и нє треба ше вельо о нїх старац, лєм мерковац чи маю цо єсц.

Маце дома ище даяки животинї?

Маме ище пшичка Джекия, а у бабох и дїдох маме буяци, овци, кури, заяци, папаґаї…