ВЕРБАС – У рамикох манифестациї „Музеї Сербиї дзешец днї од 10 до 10” и у Вербаше од 9. по 18. май буду отримани културни програми на вецей местох.
Програма у Вербаше почнє на ютре у Бази у Старим Вербаше, як означованє побиди над фашизмом, а у Музейней збирки Културного центру Вербас под час манифестациї буду вецей вистави.
Вечарши програми буду углавним у Реформаторскей церкви у центре городу, як цо то змисти з историї, релиґиї, уметносци, потим вецей концерти, медзи нїма 14. мая на 20 г. будзе концерт КПД „Карпати”, а буду отримани и вечари фадо и джез-музики и подобне.
Програми буду и на площи опрез Музейней збирки – подобова колония, концерт тамбурового оркестру, саям антиквитетох, а вецей змистох за наймладших буду отримани у Ґалериї Културного центру и у Биоскопе „Югославия”.