САВИНЕ СЕЛО – Дружтво за руски язик, литературу и културу наютре, 12. мая, у Основней школи „Бранко Радичевич” у Савиним Селу на 12 годзин, подзелї награди зоз Литературно-подобового конкурсу за дзеци, школярох и студентох руского язика и литератури.
Наградзени роботи двох школяркох – Бояни Малобович и Йовани Кишрацик. Вони школярки другей класи, а їх учителька Еуфемия Планкош.
Конкурс орґанизовани у рамикох 28. Дньох Миколи М. Кочиша, а на ньго сцигли аж 167 школярски роботи – 64 литературни роботи школярох основней и штреднєй школи и 103 подобово роботи. Од того числа, награди достаню 33-йо школяре за литературни роботи и 49-ро за подобово роботи.
Школяре як награду достаню кнїжку Миколи М. Кочиша „Писнї и приповедки за дзеци”, а кнїжка подарована и тром виховательком и 18 наставнїцом руского язика хтори послали роботи на Конкурс.
Датум за придаванє наградох школяром у Бачкей Тополї и Новим Орахове будзе догварени познєйше.
(На насловней фотоґрафиї наградзени рисунки).