РУСКИ КЕРЕСТУР – У рамикох „Поетских нїткох Меланиї Павлович” заступнїца Дружтва за руски язик, литературу и културу (Дружтво) Ирина Папуґа вчера у Руским Керестуре уручела припознаня Дружтва просвитним и културним творительом з Керестура.
Припознанє „Осиф Фа, учитель” достали учителька у Новим Орахове, Керестуре и Петровцох Мелания Планчак, вироучителька у Новим Садзе монахиня Йосафата (Юлияна Молнар), учитель Янко Дудаш, професорка руского язика Ксения Варґа, професор физики Еуґен Медєши и професорка сербского язика Мария Будински. Припознанє достаню и учительки Ксения Саламон и Мелания Мудри зоз Шиду.
Припознанє „Витомир Бодянец”, хторе ше додзєлює творительом у културней и музичней творчосци, посгумно достали Емил Гудак и Юлиян Рамач Чамо, та професорка музики Ирина Олеяр. Тото припознанє достаню и Владо Задрипко з Бачинцох, Невенка Бобаль з Бикичу и Душанка Чордаш Костич зоз Сримскей Митровици.
За новнарско-публицистичну дїялносц Припознанє „Владимир Мирко Ґаднянски” достали новинар-публициста Мирон Жирош з Мадярскей, новинар-редактор у „Руским слове” Мирон Горняк Кухар з Нового Саду и Владо Джуджар з Итернет- радия Руски Керестур.
Припознанє „Микола Скубан”, хторе Дружтво додзелює театралним творительом и режисером, того року достали режисер Владимир Надь Ачим и ґлумец и режисер Славко Орос, котри на вчерайшей шветочносци и подзековал у мено наградзених.
