Найвекше интересованє за ваучери за Пролом баню

автор танюґ/сен
1.2k Опатрене

БЕОҐРАД – Од початку рока, та по 15. марец, за ваучери за одпочивок у Сербиї ше приявели 7 286 особи, сообщело Министерство тарґовини, туризму и телекомуникацийох. Нашо туристи ше найбаржей интересую за Пролом баню, Луковску баню, Баню Ковилячу, Копаоник и Златибор.

Найвецей хаснователє ше приявели з Беоґраду, Нового Саду, Нишу, Краґуєвцу, Панчева, Зренянину, Чачку и Зомбора. Коло 70 одсто приявених пензионере, потим заняти чийо приманя менши од 60 000 динари, та нєзаняти особи.

Вредносц ваучеру за пребуванє у даєдним з 421-ого погосцительного обєкту виноши 5 000 динари. Ваучери ше дзелї пре популаризацию и розвой домашнього туризму, а того року заплановане подзелїц 46 000 ваучери.

ПОВЯЗАНИ ТЕКСТИ