ДЮРДЬОВ – На основи пополєнтих лїстинох жаданьох, маломатуранти з ОШ „Йован Йованович Змай” у Дюрдьове ше векшином опредзелєли за штиророчни штреднї школи, а найпопуларнєйши медицински школи у Новим Садзе и Зренянину, гварела за Рутенпрес психолоґ у дюрдьовскей Школи Соня Шанта, котра водзи програму професионалней ориєнтациї.
Тиж так, на лїстини жаданих штреднїх школох и два напрями у Штреднєй школи у Жаблю – економски и машински технїчар за комютерске конструованє, а популарна и Транспортна школа у Новим Садзе.