НАР предклада пририхтованє видео-сказкох за дзеци

автор там
1k Опатрене

НОВИ САД – Бешедуюци о будуцих проєктох, на схадзки Управного одбору (УО) Новинарскей асоцияциї Руснацох (НАР) порадзене и же би ше пририхтало кратки авдио-визуални форми „Сказки за дзеци по руски”, наменєни першенствено дзецом младшого возросту, з акцентом на ученю мацеринского, руского язика, хтори би прейґ „Ю-тюбу” були доступни шицким.

Проєкт би допринєсол ученю и очуваню мацеринского язика и прейґ сучасних змистох, прилагодзених возросту, а на нїм буду анґажовани фаховци за руски язик и литературу.

Ґу тому, УО НАР-у поволує наших школярох же би зоз своїма новинарскима и литературнима роботами участвовали на Наградним конкурсу  Делеґациї Европскей униї у Републики Сербиї за креативни и иновативни роботи.

Конкурс отворени по 27. януар 2017. року, а можу участвовац школярски тими самостойно, лєбо з наставнїками. Награда за побиднїкох путованє до жемох Европскей униї, а подробнєйши информациї о Конкурсу и приявни формулар мож найсц на сайту https://recinam.rs/konkurs-20162017/

ПОВЯЗАНИ ТЕКСТИ