Национални меншини и далєй годни мац свойо медиї, терашнї предлужа функционовац

автор бета/сен  
915 Опатрене

СЕРБИЯ – Национални совити националниох меншинох у Сербиї годни буц снователє медийох на своїх язикох и после 1. юлия, кеди будзе утаргнуте финансованє медийох з буджету локалних самоуправох, гварел вчера державни секретар у Министерстве култури и информованя Саша Миркович, а преноши Бета.

– Закон о явним информованю предвидзує же совити националних меншинох можу сновац свойо медиї прейґ фондацийох. Финансованє тих медийох нє будзе мац нїякей вязи з проєктним финансованьом и будзе ше витворйовац прейґ окремного каналу, а у складзе зоз Законом о защити правох и шлєбодох националних меншинох – гварел Миркович на сходзе у Нишу дзе бешедоване о применьованю нових медийних законох.

Визначел же медиї хтори национални совити уж основали предлужа функционовац як и дотераз, а спрам його спознаньох, интересованє за снованє нового медию за тераз виказал лєм Национални совит Албанцох у Сербиї.

Миркович тиж гварел же Министерство култури и информованя у нєпреривним контакту з Министерством за роботу, пре ришованє проблему звишку занятих у медийох хтори маю буц приватизовани.

 

ПОВЯЗАНИ ТЕКСТИ