„На двох колєсох през Войводину” у Керестуре

автор зам
1.3k Опатрене

РУСКИ КЕРЕСТУР – Екипа телевизийней емисиї „На двох колєсох през Войводину” Радио-телевизиї Войводини на сербским язику, од пиятку, 24., та по нєдзелю, 26. юния, знїмала прилоги у Руским Керестуре, дознава Рутенпрес од членїци Здруженя женох „Байка” Наталиї Емейди. Попри спомнутого здруженя, у знїманю емисиї помогло и Туристичне здруженє „Руски Керестур”, як и други здруженя и поєдинци.

У Керестуре екипа спомнутей емисиї зняла прилоги и правеню айвару, правеню колєса, правеню капущанїкох и колачох на грубо, прилог о Здруженю рибарох, Здруженю паприґарох, Конїцким клубе „Русин”, о Водици, нащивели и музейну збирку у Замку, всоботу и Керестурски саям, а знїманє вчера закончели на Надлукачовим салашу на Селищу.

Знїманє о Керестуре почало ище на керестурским Кирбаю, кеди ту пребувала екипа спомнутей емисиї, а о єй емитованю на ТВ Войводини явносц на час поинформуєме.

ПОВЯЗАНИ ТЕКСТИ