На Други дзень Архиєрейна служба и мированє

автор сас
705 Опатрене

ДЮРДЬОВ – Вирни парохиї Рождество Пресвятей Богородици у Дюрдьове, нєшка 8. януара з Арихиєрейну Службу Божу и мированьом преславели Други дзень Рождества Христового – Крачун.

Службу предводзел наш владика кир Георгий Джуджар, а сослужели о. Михаил Холошняй и о. Борис Холошняй. У служби шпивали члени Холошняйовей фамелиї. 

На Вилїю, 6. януара, Саночне було на 21 годзин котре служел о. Борис Холошняй, а шпивали члени Хора „Розанов”. Того вечара дзеци и млади ходзели по обисцох по шпиваню.

Окрем грекокатолїкох, у Дюрдьове Крачун преславюю и православни вирнїки, та традицийно опрез православней церкви на 20 годзин запалєни бадняк, а потим випальовани огньомет котри орґанизовала Месна заєднїца Дюрдьов.

Нєшка и ютре, на Други и Треци дзень Крачуна, на 17 годзин у церкви Рождества Пресвятей Богородици будзе мала Служба, а ютре на 10 годзин Велька Служба Божа.

ПОВЯЗАНИ ТЕКСТИ