КУЛА – У Културним центре у Кули на соботу, 21. мая, будзе отримана 56. Зонска смотра дзецинскей музичней и фолклорней творчосци у катеґориї младшого (дзеци од першей по пияту класу ОШ) и старшого возросту (дзеци од пиятей по осму класу ОШ).
У першей катеґориї участвую дзевец танєчни ансамбли з Кули, Сивцу, Сербского Милетичу, Апатину, Лалитю, Темерину и Руского Керестура. У тей катеґориї младша дзецинска ґрупа Фолклорней секциї керестурского Дому култури участвує з Венчиком гопакох, а уметнїцки руководитель Сашо Палнєкаш.
У конкуренциї школярох з висших класох ОШ змагаю ше 11 танєчни ґрупи – з Руского Керестура, Кули, Сивцу, Бачкого Ґрачцу, Темерину, Бачкого Брестовцу, Липару, Сивцу и Кули.
У тей катеґориї старша танєчна ґрупа Дому култури ше на Зонску смотру пласовала з танцом „Подскакуєм, подубкуєм”, уметнїцких руководительох Ґабриєли Саянкович и Сашу Палєнкаша.
Селектор Зонскей смотри етнолоґ Дамир Шиповац, а орґанизаторе и домашнї Смотри Союз аматерох Войводини, Културно-просвитна заєднїца Општини Кула, Културни центр Кула и ОШ „Иса Баїч” з Кули.