НОВИ САД – Завод за културу войводянских Руснацох (ЗКВР) у своїх просторийох у Новим Садзе (Футожска 2/3) на пияток, 7. октобра, орґанизує виставу „Приватни живот Руснацох у 19. и початком 20. вику през приватни документи”. Отверанє виставу будзе на 13 годзин.
Автор вистави архивиста Сашо Сабадош, а як поведзене у наяви, вистава през седем сеґменти провадзи живот Руснацох у Бачкей, Сриме и Славониї у спомнутим периодзе, хтори представени прейґ кресцених писмох, увереньох о державянстве, пасошох, членских карточкох и другого.