НОВИ САД – Нови проєкт младежи Руского културного центру (РКЦ) у Новим Садзе „Акустика Рутеника” будзе отримани на пияток, 23. септембра, у просторийох РКЦ, (Йована Суботича 8), а програма почнє на 19 годзин.
Циль манифестациї приблїжиц младим руску народну и забавну музику, так же музичаре на нови, сучаснєйши и иншаки способ наступя з обробками познатих руских шпиванкох.
Понеже то перши таки проєкт у рускей заєднїци и у РКЦ, орґанизаторе задовольни з числом приявених учашнїкох, а и тота програма дополнї наш музични скарб.
„Акустика Рутеника” змагательного характеру, та буду додзелєни три награди – за найлєпши обробок шпиванки, за найкреативнєйши наступ и награда публики.