На предай „Биґ бул”

автор днв/зам
1.1k Опатрене

БАЧИНЦИ – На основи ришеня предликвидацийного судиї Привредного суду у Сримскей Митровици о банкротстве, оглашене явне предаванє рухомого и нєрухомого маєтку компаниї „Биґ бул” у предликвидациї з Бачинцох, пише новосадски „Дневник”.

Предаванє маєтку тей дакеди познатей компаниї за преробок меса будзе на лицитованю по други раз, а на предай два пакети – нєрухоми маєток (жем у будовательним подручу у Бачинцох на хторей будинки „Биґ була”), а початна цена 2 милиони 122 500 динари. У другим пакету рухоми маєток – опрема у клальнї и погону за преробок меса, канцеларийни и други мебель, опрема у предавальнї у Бачу, а початна цена того маєтку 5 милиони 571 872 динари.

Лицитованє будзе 28. децембра на 10 годзин у Бачинцох, у Сримскей улїци.

Индустрия меса и за преробкох з меса „Биґ бул” з роботу почала 1993. року з 25 занятима, же би преросла до компаниї зоз 750 роботнїками, 80 предавальнями по Сербиї, алє место преширеня продукци, у юнию 2012. року пошла до предликвидациї. Цалосни винос предликвидацийного длуства виноши прейґ 120 и пол милиони динари.

ПОВЯЗАНИ ТЕКСТИ