На Фестивалє нєшка вистава и два монодрами

автор зам
920 Опатрене

НОВИ САД – На 14. Руским фестивалє малих сценских формох „Дюра Папгаргаї” у  Руским културним центре (РКЦ) у Новим Садзе нєшка, 10. децембра, будзе отворена вистава малюнкох двох подобових уметнїцох – Мариї-Маї Бесерминї и Гелени Сивч, а потим виведзени два монодрами.

Отверанє виставох на 19 годзин, а по отвераню будзе виведзена монодрама по сербски  „Шветочни Крачунски сукнї” („Свечане Божичне хаљине”) Радомира Мильойковича, котри источашнє и ґлумец и режисер своєй монодрами.

Фестивал нєшка будзе закончени з виводзеньом монодрами „Пес мой найлєпши приятель” Владимира Кочиша, за хтору вон цалосни автор – тексту, режиї, а сам и ґлуми. Монодрама витворена у продукциї Драмского студия дакедишнього РКДП Нови Сад.

Руски фестивал малих сценских формох „Дюра Папгаргаї” орґанизую Матка-Дружтво Руснацох Нового Саду-Войводини, Городски одбор Рускей матки Нови Сад и РКЦ, а з

финансийну потримовку Городскей управи за културу Нови Сад и Националного совиту Руснацох.

ПОВЯЗАНИ ТЕКСТИ