СЕРБИЯ – Вчера закончене тродньове покладанє маломатурского испиту за школярох осмих класох. Пондзелок покладали мацерински язик, вовторок математику, а вчера комбиновани тест. Як наявене, прелиминарни резултати испитох буду познати уж ютре, а конєчни на штварток, 25. юния.
Школяре котри буду мац пригварку на прелиминарни резултати, на соботу, 20. юния у основних школох од 8 до 16 годзин можу придац жалбу.
После обявйованя конєчних резултатох испиту, на пияток и соботу, 26. и 27. юния будзе ше придавац лїстини жаданьох. Конєчни розпорядок школярох будзе обявени 5. юлия, а упис такой после того – 6. и 7. юлия. Други уписни круг будзе 9. юлия, сообщене з Министерства просвити.