КОЦУР – На ютре, 27. октобра, у Коцуре у дзецинскей заградки „Герлїчка” вербаскей Предшколскей установи, родичи предшколских дзецох у руским оддзелєню з представителями Националного совиту (НС) Руснацох подпишу контракт о додзельованю мешачних стимулацийох.
На основи дополнєня Одлуки о пременки Правилнїку о додзельованю стимулацийох у форми стипендийох прилапеней на схадзки НС 12. септембра, дзеци котри ше у Коцуре и Дюрдьове упишу до предшколского оддзелєня по руски, од Совиту мешачно буду доставац по 3 000 динари. По контракту, тоти дзеци предшколского возросту потим буду уписани и до першей класи ОШ по руски.
Шветочне подписованє контрактох, як и уручованє учебнїкох за руски язик, хтори тиж за нашо предшколски дзеци обезпечел НС, у коцурскей „Герлїчки” на ютре будзе 12 годзин.