ДЮРДЬОВ – Вчера закончене ушорйованє дражки на главней улїци опрез парохийного дому и грекокатолїцкей церкви Рождества Пресвятей Богородици у Дюрдьове.
Виняти стари бехатонски цегли и розбити даскельо метери дражки з бетону, дзе тиж поставени нови бехатон.
Коренї платанох хтори порезани пред вецей як дзешец роками армировани, же би вецей нє правели бразди на дражки.
Нова дражка поверхносци 120 квадратни метери, єй кладзенє финансоване з буджету Општини Жабель, за цо видвоєни 500 000 динари. Роботи окончела фирма „Булидинг-ас” з Чуроґу.
Постої можлївосц же з буджету Општини будзе ушорена и площа опрез церкви, по капуру.
На месце дзе прешлого тижня порезани ядловци, члени Церковного одбору посадзели седем жимжелєни древка.
