КОЦУР – У Коцуре пред Вельку ноцу нєшка Основней школи „Братство єдинство” будзе Вельконоцни вашар, на хторим школяре буду предавац свойо роботи. Назберани пенєж ма гуманитарну намену, а Вашар у голу Школи будзе од 14,30 до 16 годзин.
На нєдзелю, на Вельку ноц, у Церковней сали грекокатолїцкей церкви у Коцуре будзе отримана манифестация „Велька ноц”, у чиїх рамикох будзе и Вельконоцна вистава и означованє 75-рокох народзеня о. Якова Новака. На програми буду преглашени и резултати литературного конкурсу „Од Благовищеня по Вельку ноц”, хтори орґанизовало КПД „ДОК”.
На пияток, 6. мая, Євангелска церква у Коцуре орґанизує Вельконоцни концерт. Концерт будзе на 18 годзин у Доме култури, а участвую члени Євангелскей церкви з Коцура, Ромскей заєднїци зоз Земуну, як и студенти Християнского здруженя з Беоґраду. Уход шлєбодни.