ЧЕРВИНКА/КУЛА – Нєшка и на ютре (11. и 12. априла) у Червинки и Кули будзе отримана 48. Зонска смотра дзецинскей театралней творчосци, на хторей ше змагаю аж 12 представи, медзи нїма и з Руского Керестура.
У червинским Доме култури нєшка и на ютре буду виведзени осем представи младих драмских аматерох з Бачкей Паланки, Пиньвиц, Сонти, Селенчи, Бачу, Крущичу и Телечки.
У Кули на ютре буду одбавени штири представи – з Руского Керестура, Телечки и два з Кули.
Дзецинска ґрупа Драмского студия АРТ Дому култури Руски Керестур представу „Васо Пикасо” Саву Шкобича, у режиї Ксениї Бодянец, на ютре у кулским Културним центре бави на 13 годзин.