РУСКИ КЕРЕСТУР – У Руским Керестуре нєшка буду отримани лєм Керестурски саям и Медзинародни турнир у одбойки, як провадзаци змисти тогорочного 55. Фестивал рускей култури „Червена ружа”, хтори одказани пре нєсподзивану шмерц Юлияна Рамача Чаму.
Шести Керестурски саям нєшка будзе отворени на 10 годзин коло Майсторского дому, дзе попри штандох з рижнима продуктами здруженьох женох, привреднїкох и других, буду представени вецей стародавни ремесла, а на Сайме будзе преглашени и найлєпши колач на грубо з маком.
Медзинародни турнир у одбойки у рамикох Спортских бавискох „Яша Баков” тиж почина на 10 годзин, а змаганя вецей екипох з наших местох, та з Перечину, з України, буду у Спортскей гали.
Плановани спортски змаганя дзецох и особох з почежкосцами у розвою нє буду отримани.