Нєшка на вечар и на Штранду початок першомайского швета

автор сен
1.2k Опатрене

НОВИ САД – Нєшка и ютре на Штранду будзе отримани „Новосадски ранши вилєт“, а за тоти два днї за нащивительох орґанизовани рижни музични наступи.

 Нєшка вечар од 19,30 до 21,30 годзин наступа Ди-джей Дарко, а после нього, до 22 годзин, буду наступац млади шпиваче Душан Кострешевич и Ана Михалєвич. Гвизда вечара би мала буц позната шпивачка Наташа Беквалац, а после нєй музику будзе пущац ознова Ди-джей Дарко.

На ютре, 1. мая, на Штранду почина и сезона купаня, а безплатни уход будзе по 5. май. Початок ютрейшей музичней програми на 11 годзин, кеди наступи бенд „Шини“, а потим, на 12,30 годзин будзе грац „Олд таймерс бенд“. Програма „Новосадского раншого вилєту“ будзе закончена на ютре на 14 годзин.

 

ПОВЯЗАНИ ТЕКСТИ